Gertrude Atherton

Gertrude Atherton

Biografía
Nacemento	30 de outubro de 1857 San Francisco, Estados Unidos de América
Morte	14 de xuño de 1948 (90 anos) San Francisco, Estados Unidos de América
Causa da morte	ictus
Lugar de sepultura	Cypress Lawn Memorial Park (en)
Actividade
Lugar de traballo	Estados Unidos de América
Ocupación	novelista, guionista, escritora de non ficción, escritora, autora
Membro de	Academia Estadounidense das Artes e as Letras
Familia
Cónxuxe	George H. Bowen Atherton (1876–1887)
Premios
Lexión de Honra
Descrito pola fonte	Appletons' Cyclopædia of American Biography, (sec:Atherton, Gertrude Franklin) Literary Encyclopedia 1929—1939 (en) , Obálky knih,

Gertrude Franklin Horn Atherton, de solteira Gertrude Franklin Horn, nada en San Francisco o 30 de outubro de 1857 e finada o 14 de xuño de 1948 na mesma cidade, foi unha escritora norteamericana.

Traxectoria

Naceu e viviu en California toda a súa vida, casou con George Atherton cando só tiña 19 anos e con el tivo dous fillos. Ao seu home disgustáballe que escribise, e a publicación en folletín da súa primeira novela, The Randolphs of Redwoods (1882), aínda que ía sen sinatura, escandalizou a toda a familia.

Logo da morte do seu home en 1887, comezou a súa verdadeira carreira de escritora, escribiu 60 libros e numerosos artigos, a súa primeira novela con sinatura publicouna en 1888, What Dreams May Come, aínda que baixo o pseudónimo de Frank Lin.

As súas novelas amosan heroínas cunha vida moi independente, sen dúbida unha reacción á súa vida de casada. As súas novelas máis coñecidas son The Californians (1898) The Splendid, Idle Forties (1902), The Conqueror (1902) e Black Oxen (1923).

Véxase tamén

Ligazóns externas

• Obras de Gertrude Atherton no proxecto Gutenberg